KANTO DE MALINTELIGENTULOJ - CRUZ E SOUZA.

Ve! Malinteligenta! Kial mi

Nenion ja komprenas, aŭ pli bone,

Nur iomete, kvazaŭ ĉio ĉi

Montriĝas en nebulo, nur duone?

De ĉiuj mokataĵo! Montras buboj

Sur min per fingroj, fajfas en petolo...

Ve! mian kapon kovras nigraj nuboj,

De histriono estas mia rolo!

Pri kio vi, bubaĉoj, estas pli

Ol mi, ke vi ridegas min malnoble?

Ĉu ankaŭ mi ne estas fil’ de Di’?

Konduton vian venĝu Li miloble!

Sed kion mi protestas? Ĉu mi pravas,

Ke oni min mokadas, kiel beston?

Ĉu iu, misuzinta cerbon, havas

Ian rajton plu havi homan veston?

Terura estis mia cerbarmilo!

Mia plum’ estis skurĝ’ eĉ kontraŭ Dio...

Sed alia fariĝos mia stilo

Laŭ la instruoj de l’ Evangelio!

5/12/1960

J. CRUZ E SOUZA

Libro: Mediuma Poemaro

Porto Carreiro Neto.