AKVO VIVA - JOHANN MAAS

Se vi ne volas aŭdi, kion diras 

Parolo saĝa de l’ Evangelio, 

Vi estas kiel blinda, kiu iras 

Palpante, sen kunulo kaj konscio.

Atentu vojon, ĉar danĝer’ spionas; 

Malforta kan’ rompiĝas tre facile; 

Aŭskultu voĉon, kiu ja proponas 

Helpadon, por ke iru hom’ trankvile.

Evitu de l’ sirenoj falsan kanton, 

Malvirto estas dolĉa mar’, sed ŝera; 

Sirenoj plie mokas pereanton, 

Ne donas manon al la senespera.

Nur unu voĉo kaj nur unu mano 

Al ĉiuj donas helpon efektiva: 

Venantaj ambaŭ de l’ Nazaretano, 

Ĉe kiu ĉerpas homo akvon vivan!

20/10/1961 / JOHANN MAAS

Libro: Mediuma Poemaro.

Porto Carreiro Neto.