PERFEKTE

Se ia task’ en viaj manoj, tiam 

Ĝin faru bone, sed ne fuŝe, mise; 

Memoru Dion, kiu agas ĉiam 

La plej perfekte super steloj dise.

En mondo ĉio indas nian ŝaton, 

Cetere pensu: laŭ la verk’ – l’ aŭtoro! 

Se vi nur fuŝas, ne riproĉu faton, 

Ke ĝi cezaras, kvazaŭ diktatoro! 

Ĝi estas grava, ke vi faru ĉion 

Plej eble bone, pro l’ honoro mem; 

Malzorgaj faroj nur ofendas Dion, 

Per fuŝvartado jam ne fruktos sem’! 

18/3/1961 - A. DOMBROWSKI

Libro: Mediuma Poemaro.

Porto Carreiro Neto