Ili ripetas ĉiam
denove unuopajn silabojn aŭ sonojn. Demandi pri la vojo aŭ plenumi telefonan
interparolon - por balbutantoj tio povas esti grandega problemo. Ne eblas
sanigi la balbutadon, sed disponeblas terapioj.
"Mi ĉiam
komparas tion kun iu kiu aŭskultas radion en aŭtomobilo kaj kiu ne havas bonan
ricevon de la signalo. Eble nur iom muĝas, sed tio sufiĉas por kompreni la
informon. Sed se aldoniĝas kroma ĝeno kiel ekzemple ponto aŭ malvasta strato,
tiam la signalo interrompiĝas", klarigas kuracisto de la universitata
kliniko en Göttingen, Germanio, la fenomenon de balbutado. Kaj li scias pri kio
li parolas, ĉar li mem estas balbutanto kaj tiel apartenas al la ĉirkaŭ 800.000
homoj en Germanio, ĉe kiuj la parolfluo estas ĝenata. Tio estas proksimume unu
procento de la tuta loĝantaro - kaj tiu kvoto estas la sama en ĉiu lando, diras
la neŭrologo.
En la aĝo inter
tri kaj ses jaroj komenciĝas la balbutado. Tiam la prognozo estas ankoraŭ
favora: 60 ĝis 80 procentoj de tiuj infanoj de si mem perdas la balbutadon dum
la kuro de la jaroj, aliaj aliflanke devas lerni vivi kun tiu malsano. Viroj je
80 procentoj estas esence pli ofte trafitaj de la balbuta malsano ol virinoj.
Klasikaj
simptomoj ĉe la balbutado estas oftaj ripetoj de unuopaj sonoj, silaboj aŭ
kompletaj vortoj. Apud tiuj "ri - ri - ri - ripetoj" ankaŭ la
"etendaaado" estas tipa por tiu malsano.
Kaj jen kaj jen
nenio plu funkcias. Tiam la parolorganoj estas komplete blokitaj: Ili ja
troviĝas sub altega streĉo, sed nenio elpenetras. La vortoj simple ne volas
eliri, kaj tio okazas kvankam la balbutanto scias precize kion li volas diri -
sed simple ne funkcias tio.
Multaj trafitoj
suferas sub signifaj psikaj problemoj, ili enfermas sin. Multaj ankaŭ provas
eviti certajn vortojn aŭ situaciojn. Al tio povas aparteni la aĉeto de
veturbileto, telefona interparolo aŭ la demando pri la vojo. Kio por sanaj
homoj tute ne estas malfacila - por balbutanto povas fariĝi nesuperebla baro.
Ĉe balbutado unu
cerboduono provas kompensi la deficitojn de la alia cerboduono. "Ni scias
ke kantado ŝaltiĝas precipe en la dekstra cerboduono kaj ke ĝi okazas ĉe
preskaŭ ĉiuj balbutantoj senĝene", diras la kuracisto. La parolado
aliflanke kiu situas ĉefe en la maldekstra cerboduono, ĉe balbutantoj estas
ĝenata". Do kantado ne estas problemo.
Metodo kiu povas
helpi pli bone regi la balbuton estas reformuli frazojn tiel ke en ili aperas
nur vortoj ĉe kiuj la trafitoj havas grandan paroloptimismon kaj ke tial ili
kuraĝas elparoli tiujn vortojn. Tio estas vortoj kiuj ne estas ŝarĝitaj de timo
pri parolo.
Ekzistas pluraj
metodoj por modifi la balbutan paroladon. Tio ja ne forigas la balbutadon, sed
eblas per tio refunkciigi la parolfluon. Tio certe mildigas la problemon de
balbutado.
***
Nenhum comentário:
Postar um comentário