📖★fork/o 1 Ĉia ilo, konsistanta el tenilo kun du aŭ
pluraj dentoj ĉe la ekstremo, k uzata por pikpreni: manĝilaro, kiu konsistis el
kulero, tranĉilo, forko Z; li enpuŝadis la tridentan forkon en la kaldronon
[…], k ĉion, kion trafis la forko, prenis la pastro X; turni la fojnon per
forko; forko el ligno, el fero, de ĝardenisto, de stalisto, pli ol cent forkoj
pikis nun minace K (al damnito). 2 Objekto forme simila al forko 1: forko de
biciklo (inter kies du branĉoj turniĝas la rado); forko de pulio (la muntaĵo);
forko de kluĉo (perrimena); forko de pantalono. 3 Loko, kie vojo, tubo ks
disiĝas al du aŭ pluraj direktoj: forko de vojo. ☞ brako, branĉo,
kruco. forki (tr) Piki k levi per forko: forki garbojn; (f) la infanteria
kapitano forte min forkis Z (ludgajnis mian monon). forka. Prezentanta specon
de forko: forka arbo. forkego. Longa bastono, kun du, tri, kvar longaj lignaj
aŭ metalaj dentoj ĉe unu ekstremo, por forki pajlon, fojnon, sterkon ktp.
forketo 1 Manĝoforko: sendu al mi prunte dekduon da forketoj Z. 2 Objekto en
formo de dudenta forketo: forketo de remilo, de horloĝa pendolo. forkiĝi,
disforkiĝi. Ĉe iu loko dividiĝi k pluiri en du aŭ pluraj direktoj: la vojo, la
kanalo forkiĝas antaŭ la urbeto. agordoforko 𝅘𝅥𝅰 Ŝtala ilo forkoforma,
kies vibrado donas la tonon A. trakforko 🚂 Aparato en
trako por direkti trakveturilojn dumveture de unu trako al alia: trakforko
manipulata surloke aŭ telemanipulata; trakforko laŭpinte aŭ laŭfroge
alveturata. trakforkisto 🚂 Tiu, kiu regas k komutas
trakforkon. tuboforko. Konektopunkto, de kie ambaŭflanke disiras tuboj.
vojforko. Disvojiĝo. ☞ vojkruciĝo.
PIV 2020.
Internacia
#Esperanto-Literaturo
Jen unu paĝo el
la lernolibreto "Konversacia Literaturo".
Ĝi enhavas
simplajn rakontojn kaj ekzemplajn frazojn, kaj estas simplaj sed bonegaj lecionoj
de Esperanto.
Tiu paĝo
instruas nin pri la transitivaj kaj netransitivaj verboj. Ĉu oni povas pli
facile klarigi la aferon?
Projekto, kiun
Andreo Cseh faris kunkree kun Julio Baghy, estis la verkado de serio da ok
kursaj libretoj, ricevantaj la nomon "Konversacia Literaturo" (KL).
Andreo skribis por la unua fojo pri la ideo en letero al Julio de la 7-a de
septembro 1930. Kvar tagojn poste li petis sian amikon, ĉu ĉi tiu eble povos
alporti ion por la volumetoj. Jam la 22-an de septembro 1930 la hungaro sendis
ĉapitron el la felietona romano "Nik Nek kaj Kat Jen" por la unua
kajero de KL.
"Kvankam en
la komenco ĝi estas tre primitiva, tamen mi esperas, ke la gelernantoj estos
bone amuzataj per ĝi. Mi uzis tiujn vortojn, kiujn vi mem uzis en la unuaj tri
lecionoj. Mi petas vin, ne korektu la frazon 'Ĉu vi amas la ĉokoladon?'"'
Andreo konfirmis
la ricevon la 26-an de septembro 1930. "Ĝi estas tre bona. Troviĝas en ĝi
la vortoj 'ho', 'jam' kaj 'nur', ne uzeblaj en tiu loko, sed ni simple forlasas
ilin. Ĉu ne estus pli bone, se vi donus al la personoj verajn nomojn viran kaj
virinan?"
📖★ripoz/i (ntr) 1 Resti, nenion farante, por refreŝigi
siajn fortojn: la sepan tagon en la tempo de la plugado k de la rikoltado
ripozu X; li estis laca k tial li iom ripozis antaŭ belega domo Z; la cikonioj
ripozis post la longa vojaĝo Z; eĉ unu birdon oni ne aŭdis, ĉiuj jam de longe
ripozis Z; estas bele ripozi de siaj faroj Z; kiu tro ripozas, baldaŭ almozas
Z. 2 Senmove kviete kuŝi: ŝi denove ripozis ĉe la patrina brusto Z; lia kapo
ripozis sur ŝia brusto Z; ŝi lasis sian manon ripozi sur lia ŝultro; (f) en la
koro de saĝulo ripozas saĝo X; la lando ripozis (en paco) dum 80 jaroj Z; lasi
maŝinon ripozi. 3 Resti morte kuŝanta: li ripozu trankvile! Z; sub la palmoj
ripozas la restaĵoj de viaj edzinoj B. ripozo. Stato de tiu, kiu ripozas: 1
laboro finita, ripozo merita Z; li perdis la dorman ripozon Z, la vesperaj
horoj, kiujn ĉiu homo uzas por ripozo Z; mi estis decidinta fari al mi en ĉi
tiu somero plenan ripozon Z; kiel ajn forte la paro bezonis ripozon Z; 3 la
lasta ripozo; neniu malhelpas la ripozon de la mortintoj Z. ➞
ripozdomo. ripozejo. Loko, kie oni trovas ripozon. ➞
haveno, oazo. ripozigi. Havigi al iu ripozon: tiu promenado ripozigos vian
cerbon, viajn nervojn. senripoze. Ne ripozante: senripoze laboradi.
PIV 2020.
Nenhum comentário:
Postar um comentário