HEJMO - ĈIN–ĈAO.

Ĉerizarbetoj floris jam

Kaj ankaŭ la knabin’.

Aŭtuno venis kun tamtam’,

Sed nur printempe frapis am’

– Jen kara la edzin’!

 

Printempo pasis kaj somer’,

Aŭtun’ kaj vintro jen:

Kaj ĉio frostis sur la ter’,

Sed verdis varma la esper’,

– Jen ido, nova ĉen’!

Sur glata, roza vojo nun,

Ni ĉiuj iras tri.

Sennube ridas al ni sun’,

Arĝenta lumas hejmon lun’,

– Jen super ĉio Di’!

13/10/60

ĈIN–ĈAO

Libro: Mediuma Poemaro.

Porto Carreiro Neto.