domingo, 12 de outubro de 2014

PERFEKTE


Se ia task’ en viaj manoj, tiam 
Ĝin faru bone, sed ne fuŝe, mise; 
Memoru Dion, kiu agas ĉiam 
La plej perfekte super steloj dise.

En mondo ĉio indas nian ŝaton, 
Cetere pensu: laŭ la verk’ – l’ aŭtoro! 
Se vi nur fuŝas, ne riproĉu faton, 
Ke ĝi cezaras, kvazaŭ diktatoro! 

Ĝi estas grava, ke vi faru ĉion 
Plej eble bone, pro l’ honoro mem; 
Malzorgaj faroj nur ofendas Dion, 
Per fuŝvartado jam ne fruktos sem’! 

18/3/1961 / A. DOMBROWSKI
Libro: Mediuma Poemaro.
Luis da Costa Porto Carreiro Neto.

Nenhum comentário:

Postar um comentário

Oração

Oração

Nossa Receita