Kiu povas aserti
:
“Mi scias
ĉion!”,
“Mi ne plu devas
ion lerni”.
–Neniu! Ni ĉiuj
estas survoje al akiro de novaj pliaj scioj. Sendepende de nia aĝo. Lernado okazas
tra la tuta vivo. Kiel la lernado okazas, kio okazas en la
cerbo, kial infanoj lernas pli rapide ol plenkreskuloj, jen demandoj tiklaj. La lernado fakte estas kvazaŭ
miraklo. Neklarigebla fenomeno.
UEA kaj ILEI
lanĉis la Jaron de la Lernanto (julio 2016 – julio 2017) kaj provos esplori tiun fenomenon, efike
helpi al Esperanto-lernantoj, lertigi geinstruistojn al trafa agado en kontakto
kun lernantoj. Pro tio ILEI kaj la redaktoro de via revuo Juna Amiko ankoraŭ
pli atentos pri la enhavo de la revuo, ĉar ĝia celo estas ebligi al vi agrablan
lernadon de nia lingvo kaj de multaj aliaj aferoj.
Ofte oni lernas el
libroj. Legante la rakonton pri la vivo de Heidi vi malkovros kuraĝan knabinon.
Kami Laifo, kiu rakontas pri la nordo de Benino, kie li instruas Esperanton, lernas
en grandega sudbenina urbo informatikon, do li ĉefe lernas per komputilo. Sed
oni lernas ĉie kaj ĉiam, lernado povas okazi surstrate aŭ en arbaro, observante
plantojn. Ni havu niajn okulojn kaj niajn orelojn malfermitaj!! Ni nutru nian
cerbon!! Ni digestu niajn novajn sciojn per nia inteligenteco kaj saĝeco!!
Mireille
Grosjean - Prezidanto de ILEI
Nenhum comentário:
Postar um comentário