sábado, 13 de setembro de 2014

SUNO



Leviĝas sun’ el oriento, 
Atingas grade ĝis zenito; 
Subiras jam en okcidento, 
Kaŝiĝas for en l’ Infinito. 

Fariĝas tiel ĉiutage, 
Regule, orde, tra ĉielo; 
Ni ankaŭ staru ne senage, 
Alvokas nin pli alta celo. 

Rimarku, eĉ sub horizonto 
La sun’ influas ĉiujn nin; 
Ni same ankaŭ estu fonto, 
Eĉ post forir’ de ben’ sen fin’. 

La bonon ni disverŝu, same 
Kiel la sun’ en blua Spaco; 
Se niaj koroj vivos ame, 
Sur Tero tuta reĝos Paco. 

29/3/1961 / ĈIN–ĈAO
Libro: Mediuma Poemaro.
Porto Carreiro Neto.

Nenhum comentário:

Postar um comentário

Oração

Oração

Nossa Receita