quarta-feira, 19 de março de 2014

KORPO KAJ SPIRITO


Mi vidis, jes, mi vidis, sed ne ĉiam 
Plej klare, kiel nun, la vivon mem; 
Mi ja rigardis, sed ne sentis tiam, 
Ke vivo estas senkompara gem’. 

Pri io supertera mi neniam 
Ekpensis: estus ĝi trans imagem’... 
Mi simple iris tra la mondo; iam 
Mi eble pensos pri ĉi tiu tem’... 

Sed jaroj pasis, kaj aperis saĝo; 
Kun tempo venas la plej bona aĝo, 
Pli akraj estas la spiritokuloj. 

La korp’ kliniĝos al malvarma tero, 
Sed la Spirito for de l’ ŝlima sfero 
Flugos al mondo de la senmortuloj! 

1/12/1960 / DALTRO SANTOS
Libro: Mediuma Poemaro
Porto Carreiro Neto.

Nenhum comentário:

Postar um comentário