sexta-feira, 8 de novembro de 2013

KREAĴOJ


Sed kio estas ŝtono? Materio 
Inerta, eĉ senviva? Certe ne! 
Kreaĵo ja de Dio! 

Sed kio floro? Ĉu ornama io, 
Tuj forvelkanta, baldaŭ en pere’? 
Kreaĵo ja de Dio! 

Sed kio besto? Karno sen konscio 
De l’ propra “mi”, mortanta for sen ve’? 
Kreaĵo ja de Dio! 

Sed kio homo? Ĉu la reĝ’ de ĉio, 
Aŭ katenito, kiel Promete’? 
Kreaĵo ja de Dio! 

Sed kio, fine, la nomata Dio? 
Ho, Dio estas, jes, mi diras, ke 
Ja Dio estas... Dio! 

17/9/1960 / LEO SOKOLOV
Libro: Mediuma Poemaro
LUÍS DA COSTA PORTO CARREIRO NETO

Nenhum comentário:

Postar um comentário